Лідар Руху "За Свабоду" 27 ліпеня асабіста прыняў удзел у пікеце па збору подпісаў за ягонае вылучэнне ў кандыдаты ў дэпутаты Палаты прадстаўнікоў.
Пікет быў прысвечаны 22-й гадавіне падпісання Дэкларацыі аб дзяржаўным суверэнітэце. Над пікетоўшчыкамі, якія стаялі працяглы час ля станцыі метро "Уручча", луналі бел-чырвона-белы і еўразвязаўскі сцягі, на якія аператыўна адрэагавалі два нарады міліцыі.
Аднак пасля праверкі дакументаў праваахоўнікі вымушаны былі сцішыць свой службовы імпэт. 
Пасля сустрэчаў і размоваў з людзьмі на вуліцы Аляксандр Мілінкевіч рушыў разам з паплечнікамі на абыход кватэраў. На наступны дзень 28 ліпеня збор подпісаў за Аляксандра Мілінкевіча адбыўся каля універсама "Першамайскі", дзе лідар Руху "За Свабоду" таксама асабіста з кожным паразмаўляў і адказаў на пытанні, якія цікавяць людзей. Як вядома, для рэгістрацыі кандыдатам у дэпутаты вылучэнцам ад грамадзян неабходна сабраць тысячу подпісаў выбарашчыкаў акругі.
Источник: http://www.pyx.by | 
