Дзесяты Нацыянальны конкурс школьных каманд «Што я ведаю пра Еўропу?».
Конкурсныя заданні арыентаваныя на вучняў 8-11 класаў, каманда складаецца з 5 вучняў і кіраўніка. Падрыхтоўка да конкурса і выкананне заданняў адборачнага тура і фінала могуць быць выкарыстаны настаўнікамі для паглыблення ведаў па гісторыі Беларусі і Еўропы, а таксама ў якасці зместу пазакласнай выхаваўчай працы для настаўнікаў, зацікаўленых у выхаванні любові, гонару і патрыятычных пачуццяў да сваёй краіны. Конкурс 2013 года праводзіцца ўтры этапы: 1. Пісьмовы адборачны тур. Выкананне заданняў з’яўляецца ўмовай для ўдзелу ў адкрытых поўфіналах. Заданні адборачнага тура складзены з улікам заяўленай тэмы і арыентуюць на заданні паўфіналаў. Пры неабходнасці адбору камандаў для ўдзелу ў паўфіналах яго крытэрыям будзе вынік выканання гэтых пісьмовых заданняў. Адказы дасылаць праз адваротную сувязь сайта eurashkola.eu ці на электронны адрас: igken11@gmail.com да 8 красавіка 2013 г. (Глядзі файл "Рэгістрацыя адказаў”) Назва каманды: Мясцовасць (горад, вёска): Навучальная ўстанова (установа культуры, клуб): Кіраўнік каманды: Узрост удзельнікаў каманды: Кантакты: маб.тэл. mail: Правільныя адказы пісьмовага адборачнага тура будуць выкладзены на сайце з 8 па 14 красавіка. 2. Паўфіналы: плануецца правядзенне некалькіх рэгіянальных "жывых” паўфіналаў з удзелам заяўленых каманд. Месцы правядзення паўфіналаў будуць вызначацца з улікам тэрытарыяльнага размеркавання каманд (напрыклад – Брэст, Гродна, Мінск, Магілеў). (Глядзі файл "Рэкамендацыі”) 3. Фiнал (камандная гульня з удзелам пераможцаў паўфіналаў). Фінал плануецца на пачатак ліпеня. Паўфіналы конкурса плануецца правесці ў перыяд з 1 па 12 мая 2013 г. Дакладны дзень і месца правядзення спаборніцтваў для кожнай каманды будуць вызначаны пасля апрацоўкі ўсіх заявак да 18 красавіка. Транспартныя выдаткі кампенсуюцца арганізатарамі, запланавана кава-паўза і агульны абед пасля падвядзення вынікаў паўфінала. Усе каманды–удзельніцы атрымаюць ад арганізатараў конкурсу памятныя дыпломы, сувеніры, прызы.
