У 2010 годзе EEGN упершыню быў праведзены Міжнародны конкурс імя Юрыя Атамана на лепшую публікацыю паталерантнасці, інтэграцыі, узаемнай павазе і ўзаемаразуменні. Досведнекалькіх гадоў правядзення конкурсу паказаў, што падрыхтоўка такіх матэрыялаў для журналістаў - справа няпростая. Нават прафесіяналам часам не хапае ведаў пра прынцыпы стварэння карэктных матэрыялаў. Этычнай максімы «не нашкодзь» дастаткова толькі на першым этапе. Але сутыкаючыся з канкрэтнай сітуацыяй, журналіст задумваецца: як менавіта не нашкодзіць пры падрыхтоўцы матэрыялу на этнічную тэматыку, па праблемах людзей з інваліднасцю, па тэме гомасэксуальнасці? Навыкі дводзіцца асвойваць на практыцы. Брашура «Талерантнасці журналістыка» скіравана на тое, каб дапамагчы ў гэтым усім, хто імкнецца развіць сваё майстэрства і прафесіяналізм. Брашура падсумоўвае ідэі і разважанні экспертаў-сябраў журы Міжнароднага конкурсу публікацый праталерантнасць, аформленыя ў выглядзе парадаў, і запрашае чытачоў паразважаць разам з аўтарамі прапрынцыпысацыяльна адказнай журналістыкі. Усходне-Еўрапейская Сетка грамадскіх міратворчых арганізацый нагадвае, што прыём публікацый на конкурс працягваецца да 16 студзеня 2014 года.
Намінацыі конкурсу Пераможцы конкурсу будуць вызначаныя ў наступных намінацыях: – лепшая публікацыя пра прыклады паспяховай інтэграцыі, пра знаходжанне паразумення, пераадоленне непаразумення ў грамадстве; – лепшая публікацыя пра праблему расізму, ксенафобіі і розных формаў няцерпімасці ў грамадстве; – лепшая непрадузятая публікацыя пра канфлікт, якая ўзважана адлюстроўвае прадмет канфлікту, пазіцыі бакоў, якая дэманструе перавагі негвалтоўных метадаў вырашэння канфліктаў. У кожнай намінацыі будуць адабраны тры лепшыя публікацыі. Конкурсам прадугледжана ўзнагароджанне пераможцаў грашовымі прэміямі ў памеры: 1 месца – 150 даляраў, 2 месца – 100 даляраў, 3 месца – 70 даляраў. З 2011 г. арганізацыйным камітэтам конкурсу заснавана адмысловая намінацыя за лепшую публікацыю пра талерантнасць, пераадоленне нецярпімасці, напісаную маладымі аўтарамі (ва ўзросце ад 14-ці да 20-ці гадоў). Аўтар лепшай публікацыі ў адмысловай намінацыі будзе ўзнагароджаны грашовай прэміяй у памеры 90 даляраў. Умовы ўдзелу ў конкурсе Да ўдзелу ў конкурсе запрашаюцца прафесійныя і грамадзянскія журналісты, штатныя і пазаштатныя супрацоўнікі агульнанацыянальных і рэгіянальных рэдакцый, студэнты факультэтаў і аддзяленняў журналістыкі, старшакласнікі з Беларусі, Малдовы, Расіі, Украіны, якія апублікавалі ў друкаваных перыядычных СМІ ці ў інтэрнэт-СМІ матэрыялы па ўказанай тэматыцы толькі ў перыяд з 1 студзеня па 31 снежня 2013 года. Адзін аўтар мае права падаць на конкурс па адной публікацыі ў асобнай намінацыі. Разглядаюцца матэрыялы на мовах чатырох краінаў (Беларусі, Малдовы, Расіі, Украіны). Памер артыкула не абмежаваны. Публікацыі, прысвечаныя падзеям мінулага (да 2000 г.), павінны мець выразную сувязь з сучаснасцю. Прымаюцца адсканаваныя электронныя версіі артыкулаў друкаваных выданняў ці дзейсныя гіперспасылкі на матэрыялы інтэрнэт-СМІ з абавязковым указаннем імя, прозвішча і кантактнай інфармацыі аўтараў, назвы СМІ, даты публікацыі, а таксама ўказаннем намінацыі, на якую прэтэндуе той ці іншы артыкул аўтара. Тэрміны Прыём публікацый: у перыяд з 16 лістапада 2013 г. па 16 студзеня 2014 г. Абвяшчэнне вынікаў конкурсу: 16 лютага 2014 г. Кантакты Дасылайце матэрыялы на электронны адрас арганізацыйнага камітэта IV Міжнароднага конкурсу журналісцкіх публікацый імя Юрыя Атамана: mediatolerance2013@gmail.com
| 
