28 красавіка гісторык Максім Макараў і выдавец Валер Булгакаў прадставілі наведнікам віцебскага “Еўрапейскага клубу” найноўшыя гістарычныя выданні: “Месцкія ўлады Полацка (1580-1772 гг.): арганізацыя, персанальны склад”, тэматычны выпуск “Бітва пад Оршай: месца памяці і канфлікт інтэрпрэтацый”, манаграфію Дароты Міхалюк “Беларуская Народная Рэспубліка 1918 - 1920 гг.: ля вытокаў беларускай дзяржаўнасці”.
Таксама на сустрэчы можна было азаёміцца з дзясяткамі іншых выданняў, у тым ліку:
– Наталля Сліж. Шлюбныя і пазашлюбныя стасункі шляхты Вялікага Княства Літоўскага ў XVI—XVIІ стст. (агульны аб'ём 672 старонкі);
– ARCHE № 3/2014 («Віцебскія гісторыі»; агульны аб’ём 384 старонкі)
– Віктар Цемушаў «На ўсходняй мяжы Вялікага Княства Літоўскага (сярэдзіна XIV — першая палова XVI ст.)» (агульны аб’ём 464 старонкі);
– Сцяпан Некрашэвіч, Мікола Байкоў. «Расійска-беларускі слоўнік», 2-е, дапрацаванае выданне (агульны аб'ём 704 старонкі);
– Балахоўцы: Сведчанні, дакументы, даследаванні (агульны аб’ём 470 старонак) ;
– Рымвідас Пятраўскас. «Літоўская знаць у канцы XIV — пачатку XV стагоддзя» (агульны аб’ём 386 старонкі), другое выданне;
– Алег Латышонак. «Жаўнеры БНР» (агульны аб’ём 373 старонкі);
– Марк Бартушка. «Партызанская вайна ў Беларусі ў 1941—1944 гг.» (агульны аб’ём 194 старонкі) ;
– Сяргій Плахій. «Рускі Вавілон: Дамадэрныя ідэнтычнасці ў Расіі, Украіне і Беларусі» (агульны аб’ём 300 старонак);
– Алег Латышонак, Яўген Мірановіч. «Гісторыя Беларусі ад сярэдзіны XVIII ст. да пачатку ХХІ ст.» (агульны аб’ём 368 старонак)
– Уладзімір Ляхоўскі. Ад гоманаўцаў да гайсакоў. Чыннасць беларускіх маладзёвых арганізацый у 2-й палове ХІХ ст. – 1-й палове ХХ ст. (да 1939 г.). (агульны аб'ём 480 старонак). – 2-е выд., папраўленае і дапоўненае;
– Аляксандр Краўцэвіч. «Краіна пагранічча» (агульны аб’ём 519 старонак);
– Конрад Бабятынскі. «Ад Смаленску да Вільні. Вайна Рэчы Паспалітай з Масковіяй (1654—1655 гг.)» (агульны аб’ём 168 старонак).
Прэзентацыя кніг была вельмі прыязна сустрэта наведнікамі клуба, пытаньні задавалі як пра гісторыю стварэння кніг, так і пра планы на будучае.
Дзяніс Сенненскі | 
