Віцебскі незалежны
кандыдат у дэпутаты абласнога савету Адляксей Гаўруцікаў не можа размясціць
свае агітацыйныя матэрыялы ў дубровенскай раённай газеце. Бо выбарчае
заканадаўства пацвярджае ягонае права на гэта, а заканадаўства аб СМІ дазваляе
"раёнцы" адмовіць кандыдату.
Адказ такога зместу актывіст аргкамітэту
па стварэнні Сацыял-дэмакратычнай партыі "Народная Грамада"атрымаў з
Цэнтрвыбаркаму. Туды Аляксей Гаўруцікаў звярнуўся са скаргай га дзеянні рэдактара "Дняпроўскай праўды"
Святланы Шурпаковай. Яна заявіла, што ў праграме кандыдата ўтрымліваецца
"прыхаваны заклік да змянення канстытуцыйнага ладу і змены ўлады", і адмовілася
размяшчаць у "раёнцы"агітацыйныя
матэрыялы.
Кожны кандыдат мае права
скарыстацца сродкамі выбарчага фонду і надрукаваць свае агітацыйныя матэрыялы ў
СМІ, тлумачыць юрыст Аляксей Гаўруцікаў. Адмова рэдактара, якая наладзіла ў
выданні цэнзуру, абурыла актывіста, і напісаў скаргі на дзеянні Святланы
Шурпаковай у раённую пракуратуру і ў ЦВК.
Адказ з Цэнтрвыбаркаму Аляксей Гаўруцікаў ужо атрымаў. З яго вынікае,
што кандыдат мае права на публікацыі матэрыялаў, але сродкі масавай інфармацыі
маюць права яму адмовіць. Выбарчае заканадаўства стаіць у баку ад гэтага
канфлікту інтарэсаў: яно
рэгулюе толькі грашовыя ўзаемаадносіны паміж
кандыдатам і СМІ. У ім прапісана, што кандыдат можа скарыстацца грашыма з
выбарчага фонду, каб заплаціць за публікаванне ягоных матэрыялаў у газеце. Але прымусіць
выданне нешта друкаваць яно мае права не
пускаць матэрыялы ў друк, нават калі гэта не проста артыкул, у кандыдацкая
праграма.
Супярэчнасці паміж
правамі розных суб'ектаў ужо знаёмыя Аляксею Гаўруцікаву. Ен ужо некалькі гадоў
спрабуе вырашыць праблему арганізацыі масавых акцый у Віцебску:
"Як вядома, грамадзяне
маюць права на мірныя сходы і публічнае выказванне сваіх
меркаванняў. Але віцебскі гарвыканкам запатрабаваў, каб разам з заяўкай людзі прыносілі дамовы на абслугоўванне акцый
структурамі ЖКГ, міліцыяй і медыкамі. Але гэтыя структуры з намі папярэднія
дамовы заключаць адмаўляюцца, і прымусіць іх таксама нельга. Атрымліваецца тое
самае: мы маем права праводзіць пікет ці мітынг, але адказныя асобы маюць права
не заключаць з намі дамовы. У выніку ніводнай масавай акцыі па ініцыятыве
віцебскіх актывістаў за апошнія 4 гады так і не дазволілі". | 
