Падставай для праверкі сталі заявы
віцебскіх актывістаў Аляксея Гаўруцікава і Хрыстафора Жаляпава. Апазіцыянеры вінавацяць старшыню камісіі Валянціну Казакоўскую
ў падлогу і фальсіфікацыі
дакументаў падчас праверкі
сапраўднасці подпісаў за вылучэнне і рэгістрацыі кандыдатаў у дэпутаты.
Сітуацыя, апісаная ў заявах актывістаў у
Следчы камітэт, ужо разглядалася
ў Віцебскім абласным судзе. Ні Хрыстафора Жаляпава, ні Аляксея гаўруцікава не
зарэгістравалі кандыдатамі ў дэпутаты
гарсавету, прызнаўшы частку подпісаў за іхнае вылучэнне несапраўднымі. Дакладней,
прэтэнзіі тычыліся датаў у падпісаных
аркушах, якія нібыта прастаўляліся не грамадзянамі, як патрабуе заканадаўства,
а зборшчыкамі подпісаў.
Як праводзілася праверка подпісаў,
актывістам расказалі самі ж
выбаршчыкі. Каардынатар руху "За свабоду па Віцебскай вобласці
Хрыстафор Жаляпаў быў упэўнены, што працэдура збору подпісаў за яго выконвалася
як мае быць, і таму вырашыў распытаць тых, хто нібыта засведчыў парушэнні.
"Аказалася, што пра парушэнні ніхто
з выбаршчыкаў і не казаў! Правяраючы сапраўднасць подпісаў, сябры камісіі, у
тым ліку і старшыня Валянціна Казакоўская , ішлі да людзей з адмысловымі
бланкамі, дзе надрукаваны тэкст заявы пра тое, што дату, выбаршчык ставіў не
сваёй рукой. Аднак пыталіся толькі пра сапраўднасць подпісу. Калі чалавек гэта
пацвярджаў, яго прасілі распісацца ў бланку. І людзі падпісвалі, не чытаючы! Іх
проста ўводзілі ў зман, чым і скарысталася камісія, адмовіўшы ў
рэгістрацыі".
Аляксей Гаўруцікаў, актывіст аргкамітэту па
стварэнні сацыял-дэмакратычнай партыі "Народная Грамада" распавёў,
што некаторыя выбаршчыкі былі так абураныя, што не толькі напісалі пісьмовыя
тлумачэнні пра сваю несвядомую памылку,
але й прыйшлі ў абласны суд у якасці сведак:
" І мы, і нашы выбаршчыкі
засведчылі, што іх падманулі, прычым падманулі з удзелам самой старшыні
гарадской выбарчай камісіі! Аднак суд вырашыў, што ў рэгістрацыі мне адмовілі
законна. Бо, маўляў, на момант рэгістрацыі ў распараджэнні камісіі былі заявы
грамадзян пра тое, што "даты ставілі не яны". А пра тое, што адбылася
памылка, Яны заявілі ўжо пасля - калі тэрміны рэгістрацыі ўжо прайшлі".
Абласны суд таксама стаў
на бок выбарчай камісіі, калі са скаргамі на падман і беспадстаўную адмову
ў рэгістрацыі звярнуліся і Хрыстафор
Жаляпаў, і дзьве актывісткі аргкамітэту па стварэнні партыі БХД - Тацяна Севярынец і Алена Шабуня. Іх таксама
не зарэгістравалі кандыдатамі ў дэпутаты гарсавета, падобным чынам
"праверыўшы" і "забракаваўшы" частку подпісаў.
Х. Жаляпаў і А.Гаўруцікаў вырашылі не
пакідаць парушэнні старшыні гарадской выбарчай камісіі беспакаранымі. І звярнуліся ў Следчы камітэт, прыклаўшы да
заявы ўжо не толькі пісьмовыя сведчанні выбаршчыкаў, але і пратаколы пасяджэнняў у
абласным судзе, дзе людзі вусна сведчылі пра супроцьпраўныя дзеянні Валянціны
Казакоўскай. Актывісты прасілі правесці
праверку парушэнняў заканадаўства і
распачаць крымінальную справу супраць В.Казакоўскай.
Аляксей Гаўруцікаў ужо атрымаў адказ, што Следчы камітэт лічыць
патрэбным распачаць праверку па выкладзеных фактах, і даручае гэта зрабіць абласной управе МУС. 
адказ Гаўруцікаву
адказ Жаляпаву
| 
