Святкаванне адбылося па завулку Горацкаму у раёне Задняпроу'я для дзяцей дашкольнага ўзросту. Мэта мерапрыемства па задуме арганізатараў – развіваць вусную мову дзяцей; выхоўваць цікавасць да беларускай казкі; абуджаць любоў да роднай мовы, выхоўваць нацыянальную самасвядомасць у дзяцей. На свяце гучалі беларускія песні, загадкі і прымаўкі, былі праведзены цікавыя гульні.
Дзеці таксама рыхтаваліся да свята: вывучалі вершы, песні, прыказкі на беларускай мове.
Выхаванне нацыянальнай самасвядомасці падрастаючага пакалення – адна з самых актуальных задач нашага часу. Фарміраванне асобы дзіцяці немагчыма без усведамлення сваей этнічнай прыналежнасці да культуры пэўнага народа. А гэта не магчыма без развіцця у дзяцей цікавасці да вывучэння роднай мовы і выхавання любові да мастацкага слова.
Як сказалі арганізатары святкавання: “Дашкольны перыяд дзяцінства з'яўляецца першай і вельмі важнай ступенню ў выхаванні нацыянальнай самасвядомасці дзіцяці. Менавіта дашкольны ўзрост – важнейшы этап станаўлення асобы, калі закладваюцца перадумовы якасцей чалавека – грамадзяніна, развіваюцца ўяўленні дзяцей аб чалавеку, грамадстве і культуры.”
На свяце усім было цікава – і дарослым і малым. Дарослыя выказвалі словы падзякі, казалі, што мова беларуская прыгожая і пявучая і яны будуць старацца больш выкарыстовываць яе ў жыцці. А галоўнае – будуць больш чытаць твораў дзецям на беларускай мове і вучыць дзяцей роднай мове.
Алена Кучынская | 
