На акцыі прысутнічалі прадстаўнікі Руха «За Свабоду», грамадзянскай кампаніі «Говори Правду», «Беларуская хрысціянская дэмакратыя» і іншыя. Актывісты ўсклалі кветкі да помніка, прачыталі ўрыўкі з «Лістоў з-пад шыбеніцы» Кастуся Каліноўскага.
Помнік быў усталяваны ў сяле Свірдуны Лынтупскага сельсавета на месцы загінуўшых паўстанцаў мясцовым каталіцкім святаром у 1934 годзе. На пліце ледзь прыкметна напісана па-польску: «Тут рэшткі герояў, загінулых за волю Айчыны ў 1863 году». За гэта, святара, Савецкія ўлады растралялі, пахаваны ў Лынтупах.
Па словах Хрыстафора Жаляпова, на працягу года мінуе шэраг сустрэч, канферэнцый і паездак на месцы баёў і пахаванняў паўстанцаў.
Праграма імпрэзы Года Каліноўскага завяршыцца выпускам часопіса, у якім будуць сабраныя ўсе матэрыялы, звязаныя з асобамі і падзеямі паўстання на Віцебшчыне. |