НАВІНЫ

У віцебскім «Эўрапейскім клюбе» прадстаўнікі Камітэту дапамогі рэпрэсаваным «Салідарнасьць» прэзэнтавалі вынікі сваёй працы ў межах кампаніі «Разам супраць дыскрымінацыі», а палітоляг Алесь Лагвінец распавёў аб праекце «Беларусы выбіраюць Эўропу».

Пятнаццатага сьнежня ў вёсцы Астроўна Бешанкавіцкага раёну адбылася культурна-асьветніцкая імпрэза « Ведай сваю Бацькаўшчыну», прысьвечаная асобе канцлера Вялікага княства Літоўскага Льва Сапегі, які нарадзіўся тут у бацькоўскім маёнтку ў 1557 годзе.

10 сьнежня адразу ў некалькіх публічных месцах Віцебску быў арганізаваны супольны прагляд урачыстай цырымоніі ўручэньня Нобэлеўскай прэміі. Упершыню сярод ганараваных прэміяй – беларуская пісьменьніца.

30 лістапада адбылася ацэначная сустрэча ўдзельнікаў кампаніі «Права выбару», якія зьдзяйсьнялі назіраньне за выбарчым працэсам у Віцебскай вобласьці падчас выбараў прэзыдэнта. Сустрэча сталася апошняй у шэрагу падобных, праведзеных у рэгіёнах краіны.

28-29 лістападу ў памяшканьні віцебскага “ Эўрапейскага клюбу” прайшоў двухдзённы сэмінар па фандрайзінгу. Заняткі праводзілі  кансультанты кансалцінгавай групы “ IMACON” Улад Вялічка і Сяргей Лабада, таксама ў працы ўзяў удзел экспэрт фонду імя Льва Сапегі Андрэй Завадзкі.

Урачыстыя мерапрыемствы заплянаваныя на некалькі дзён. Першым адзначаць юбілей пачаў гарадзкі аўтапарк: з 24 па 29 лістапада ў аршанскіх аўтобусах гучаць урыўкі з твораў земляка. А ў дзень народзінаў літаратурныя чытаньні прайшлі каля помніка Караткевічу.

12 лістапада адбылося некалькі сустрэчаў вядомых менскіх літаратараў зь віцебскай публікай. Першая зь іх прайшла ў адным з унівэрсытэтаў гораду над Дзьвіной, другая – у бітлз-клюбе «Паддашак», што на вуліцы Кастрычніцкай.

У перадпачатку сусьветнай акцыі  «Станем за журналістыку» на знак салідарнасьці з калегамі па ўсім сьвеце прадстаўнікі незалежных сродкаў масавай інфармацыі Віцебску пасадзілі невялічкую алею, якую ўпрыгожылі папяровымі птушкамі, зробленымі са старых газэтаў.

31 кастрычніка палітычны аналітык, дырэктар Цэнтру эўрапейскай трансфармацыі Андрэй Ягораў акрэсьліў перад наведнікамі віцебскага «Эўрапейскага клюбу» стан стасункаў Беларусі і Эўрапейскага Зьвязу на сёньняшні момант, а таксама выказаў сваю думку пра тое, як будзе разьвівацца сытуацыя найбліжэйшым часам.

29 верасьня ў «Эўрапейскім клюбе» Віцебску адбыліся грамадзкія слуханьні па тэме абмежаваньня знаходжаньня адной асобы на пасадзе прэзыдэнта двума тэрмінамі. У якасьці экспэртаў перад прысутнымі віцебчукамі выступілі экс-сьпікер ВС Мечыслаў Грыб і палітоляг Алесь Лагвінец, ролю вядоўцы выконваў намесьнік старшыні руху «За свабоду» Юрась Губарэвіч.