Таццяна праспявала пад гітару шэдэўры беларускіх паэтаў, вядомыя ўсім яшчэ са школьнай праграмы. Песні на вершы Янкі Купалы, Максіма Бандановіча, Генадзя Бураўкіна, Уладзіміра Някляева прагучалі для прысутных у класічным выкананні.
Асноўныя захапленні Таццяны – беларускі раманс, дзіцячыя народныя і школьныя песні, народныя танцы. Пра ўсе гэтыя захапленні Таццяна і расказвала публіцы ў прамежку паміж спевамі. Паказала яна і вынік сваёй шматгадовай працы – 10 кампактаў з самымі рознымі песнямі, распавяла пра апошні праект, які ажыццяўляе цяпер – сабраць на адным дыску галасы найлепшых беларускіх пісьменнікаў.
Захопленая публіка доўга не адпускала Таццяну, распытвала пра нядаўняе падарожжа ў Нью-Ёрк, супрацоўніцтва з Сяруком Сокалавым-Воюшам і Зміцерам Сідаровічам, прасіла паспяваць яшчэ.
| 
